طريقة عمل تتبيلة الفراخ المشوية نادية السيد

1. الفرخة تكون نظيفة تماماً ومغسولة ، وبالطحينة وندلك بيها الفرخة من برا وجوا عشان نتخلص من ريحة زفارة.

   

2. نغسل الطحينة كويس وننقع الفرخة في ماء وملح وفلفل أسود ونسيبها في الماء مدة كافية، ممكن من ساعتين لــ ليلة كاملة.

3. لعمل تتبيلة الفراخ المشوية : في وعاء المطحنة، ضعي الفلفل الأسود الحب ، الملح ، البابريكا ، الكركم ، اليانسون النجمي ، الليمون المجفف ، القرفة ، الزنجبيل

4. نطحن المكونات جيداً وننخلها بمنخل صغير، وبعدين ناخد ملعقتين من البهارات المطحونة في طبق ونضيف عليهم ملاعق كبيرة من الزبدة ونقلبهم مع بعض كويس.

5. باقي التوابل نضيف عليهم ملعقتين كبيرتين من الزبادي ونقلبهم كويس لحد ما يبقوا زي الكريمة.

6. نجيب الفرخة ننشفها كويس من اى ماية ونفصل الجلد عن اللحمة بالملعقة.

   

7. نتبل الفرخة من برا بتتبيلة الفراخ بالزبادي ومن جوا بين الجلد واللحمة وكمان جوا الفرخة نفسها بتتبيلة الفراخ بالزبدة غطي الفرخة بالكيس ودخليها التلاجة ليلة كاملة على الأقل.

   

8. لتسوية الفراخ : في صينية الفرن نضع الخضار ( البصلة متقطعة والثوم والفلفل الأخضر و الكرفس والجزر والبطاطس) ونرش عليهم ملح وفلفل أسود وشوية زيت زيتون.

9. حطي الفرخة على الخضار فوق الصينينة بعد ما تربطي رجليها عشان متفكش منك في السوا وغطيها بورق زبدة ونغطيها بالفويل كمان.

   

10. في فرن حامي مسبقاً على درجة حرارة 220 ندخل الفراخ لمدة ساعة عشان الفرخة دى كبيرة وزنها أكثر من 3 كيلو.

    

11. بعد الساعة افتحي على الفرخة وشيلى ورق الزبدة وادهني الفرخة بالشوربة الموجودة في الصينية واتركيها كمان نصف ساعة أو ساعة في الفرن بدون ما تغطيها.

    

12. خرجي الفرخة من الفرن وصفيها من الشوربة وقدمي ألذ فراخ مشوية بالفرن ممكن تقدميها مع الأرز بالزبدة وصوص الجريفي وبالهنا والعافية.

    

طريقة تتبيل الفراخ المشويه في الفرن، الدجاج المشوي طعمه رائع وجوسي وطرية جداً، جربي تتبيلة الفراخ في الكيس الحراري بطريقة الشيف نادية السيد، قدمي الفراخ المشوية بالفرن مع الأرز المفلفل بالزبدة وصوص الجريفي.