طريقة عمل البيتيفور نادية السيد

1. في بولة، نضع الدقيق، ونضيف له ربع ملعقة صغيرة من الملح، نقلبهم مع بعض كويس ونخليهم على جنب.

2. بالهاند بلندر أو مضرب البيض، ننعم الزبدة، وبعدين نضيف السكر البودرة، ونخفقهم كويس جداً لمدة 20 لــ 30 دقيقة لحد ما ياخذ قوام الكريم شانتيه.

3. نضيف صفار البيض بالتدريج واحدة واحدة، مع كل مرة نضيف نضيف فيها صفار بيضة، نخفق كويس لحد ما الصفار يختفي من الخليط.

4. نضيف البيضة الكاملة، ونخفق الخليط، وبعدين نضيف الفانيليا، ونستمر في الخفق.

5. نضيف كمية من الدقيق مش الدقيق كله، انا ضفت ثلاث أكواب، وقلبت ببطيء، ياريت التقليب يكون بالراحة، عشان يدوب نلم العجينة فقط، عجينة البيتيفور زيها زي البسكوت مش بتتعجن، يدوب بتتلم.

6. لو لقينا العجينة لسه بتلزق نضيف النصف كوب الباقي، ونلم العجينة بعد ما وصلنا للقوام المثالي.

7. بواسطة قمع نجمة مقاس 6، وكيس حلواني، وفي صينية مٌبطنة بورق الزبدة، نبدأ نشكل عجينة البيتيفور، لو لقينا العجينة بتخرج بسرعة من القمع يبقي لسه محتاجة تتزود دقيق، ولو بتخرج بصعوبة يبقي العجينة تقلت وبقت عجينة مكنة بيتيفور.

8. ندخل البيتيفور في فرن مٌحمي مٌسبقاً على درجة حرارة 180، على الشبكة في منتصف الفرن، لمدة 10 لــ 15 دقيقة، والنار من تحت فقط.

   

9. ممكن نحشي البيتي فور بالنوتيلا أو المربي ونزينها بالاسبرينكس وألف هنا.

   

طريقة عمل البيتيفور للعيد، تقدم لكم الشيف نادية السيد ألذ حلويات العيد وهي طريقه عمل البيتي فور الناعم بالكوب وسر طعمه المميز وقوامه الهش بيتيفور قمع وماكينه.

نصائح الشيف نادية السيد لنجاح البيتيفور

• لعمل بيتيفور قمع وماكينه من نفس العجينه يتم فصل العجينه لنصفين، نصف للقمع، والنصف الأخر يضاف اليه ربع كوب دقيق أو ربع كوب خليط الكاكاو، والدقيق لتتماسك العجين وتناسب الماكينه.
• البيض يكون طازج وفى درجة حرارة الغرفة ولا يكون خارج من الثلاجة.
• الدقيق يكون نوع ممتاز ويفضل يكون جاهز.