طريقة عمل صينية البطاطس باللحمة نادية السيد

1. نقشر البطاطس ونقطعها شرائح متوسطة الحجم ونضعها في طبق، ونقطع الفلفل شرائح طولية ونضعه مع البطاطس.

2.  نبشر بصلتين كبيرتين ونضعهم في صينية ثم نضيف عليهم الملح، والفلفل الأسود، الكمون، البابريكا، ونقلبهم مع بعض ونعصرهم بإيدينا أثناء التقليب.

3. نفرد البصل المبشور في الصينية بالتساوي، ونفرص عليه البطاطس والفلفل الرومي.

4. في حلة على النار نضع ملعقة كبيرة من السمنة وبمجرد ما تسيح ننزل عليها بقطع اللحمة ورشة فلفل أسود عليها ونشوحها من جميع الجهات.

5. نقطع بصلة كبيرة جوليان، ونضيفها على اللحمة ونكمل تشويح اللحمة مع البصل، أول ما البصل يدبل ننزل بعصير الطماطم ونزود ماء فوق مستوى اللحمة، ونغطي الحلة ونتركها حتى ينضج اللحم بنسبة 90%.

6. نوزع اللحم على البطاطس في الصينية ونضع الصلصة أيضاً ونساوي الصينة، وتدخل فرن على حرارة 200 لــ 220 درجة مئوية حتى تنضج البطاطس تماماً.

7. نغرف البطاطس باللحمة والصوص ونقدمها مع الرز بالشعيرية وألف هنا.

نصائح الشيف لنجاح صينية البطاطس باللحمه

• كمية البطاطس المُستخدمة في الوصفة من كيلو إلى كيلو ونصف حسب رغبتكم.
• البصل المبشور مهم جداً في صينية البطاطس باللحمة، ممكن تستخدموا أكثر من بصلتين.
• جربوا الكمون في صينية البطاطس، يعطي نكهة ممتازة للبطاطس باللحمة.