طريقة عمل الكبدة الاسكندرانى نادية السيد

1. لعمل تتبيلة الكبدة، في طبق نضع الثوم المهروس ونعصر عليهم ليمونتين ونضيف عليهم الخل والملح والفلفل الأسود والكمون والكزبرة المطحونة ونقلبهم مع بعض ثم نضيف الشطة أو البابريكا ونقلبها مع المكونات.

2. نقطع الكبدة شرائح رفيعة بواسطة سكين حاد، ثم نضعها في طبق ونضع عليها التتبيلة ونقلبهم مع بعض ونتركها جانياً لمدة 10 دقائق.

3. في طاسة على النار، نضع ثلاث ملاعق من الزيت ونتركه حتى يُقدح أو يصبح حامي، ثم ننزل عليه بالكبدة ونقلبها لمدة 10 دقائق لحد ما تقرب تستوي.

4. ثم نقطع الفلفل الاخضر شرائح طولية وننزل به على الكبدة ونقلب لحد ما الفلفل يدبل والكبدة تُكمل سواها لمدة 10 دقائق أخرى.

5. نرفع الكبدة من على النار ونضعها في العيش الفينو وبجانبها سلطة طحينة، أو نقدمها في طبق وبجانبها أرز أبيض وسلطة الطحينة، وألف هنا.

   

نصائح الشيف لنجاح الكبدة الاسكندراني

• يُفضل إستخدام الكبدة الفريش أو الطازجة، وندخلها الفريزر نصف ساعة قبل ما نشتغل تتجمد وتساعدنا في التقطيع.
• الشطة والبابريكا والفلفل الحار إختياري لمحبي الكبدة السبايسي، يعني ممكن نستغنى عنهم.
• حجم الطاسة مهم جداً يكون مناسب لكمية الكبدة، بمعني أن الكبدة تكون مفرودة في الطاسة ومش فوق بعضها حتى لا تصرد ماء كثير وتجف وتستوي بسرعة.