طريقة عمل الكريب الحادق نادية السيد

1. لعمل عجينة الكريب، نضرب البيضة، نضيف عليها كوبيين ماء، ونضربهم مرة أخرى، كوبيين من الحليب، ونقلبهم مع بعض جيداً، رشة بسيطة من الملح والفلفل الاسود، نضيف الدقيق كوب كوب ونقلب في النص.

2. نضيف الزيت أو الزبدة السايحة، السكر، ونقلب مجدداً، ونصفيه بمصفاه، للتخلص من كتل الدقيق الصغيرة، نغطيه ونسيبه يرتاح، ليلة في الثلاجة تقريباً، ونجهز الحشوة.

3. لعمل حشوة فاهيتا الدجاج، صدرين من الدجاج، قطعت الصدر من النص، وقبل ما نتبلها نغسلها ونشفها بالمناديل أو بورق المطبخ.

4. تتبيلة الدجاج، نحضر ملح وفلفل أسود حسب الرغبة، ملعقة صغيرة توم بودر، ملعقة صغيرة بصل بودر، ملعقة كبيرة كمون، ملعقة صغيرة شطة، ملعقة كبيرة بابريكا، ملعقة كبيرة كزبرة أو الكزبرة المطحونة، وملعقة صغيرة من بزور الفلفل الاحمر، أو الفلفل الاحمر المجفف المطحون اختياري، ونضعها كلها فوق الدجاج، ملعقة كبيرة سكر، وملعقة كبيرة نشا، ونتبل الفراخ جيداً جداً بالبهارات.

5. في طاسة على النار، نضع كمية من الزيت، ونسوي الدجاج على نار متوسطة، لمدة خمس لسبع دقايق لكل وجهة، ونقطعها لشرايح.

6. نصفي الزيت بعد تسوية الدجاج، ونستخدمه، نضع عليه الفلفل الالوان والبصل متقطعين، ونشوحهم، يبتدي يطري، ننزل عليهم بالفراخ، ونقلبهم مع بعض، مع فصين توم مهروسين، ونقلبهم، بمجرد ما التوم تطلع ريحته نضيف ربع كوب عصير ليمون، أو عصير لمونتين، وتكون الفاهيتا جاهزة معنا.

7. لعمل حشوة اللحمة المفرومة، نضع الزيت واللحمة المفرومة ونقلبهم مع بعض، أول ما لونها يبتدي يتغير، نقطع الكراث لقطع صغيرة بصلة متقطعة، ملعقة صغيرة فلفل اسود وملح حسب الرغبة، ونقلب ونبتدي نسوي اللحمة مع الكرات والبصل، نضيف بابريكا، دبس الرمان، ونقلبها لحد لما تبتدي تستوي خالص تماما ما يبقاش فيها اي سوايل، والخضار اللي معها كله يدبل.

8. في طاسة غير لاصقة، مدهونة زيت، نسخنها على خفيف، ونضع بها نص كوب من خليط الكريب، ونسوي كمية عجينة الكريب كلها.

9. لحشو الكريب، نثني الكريب وفي المنتصه تعملوا مثلث باي نوع من انواع الصوصات اللي عندكم، كاتشب أو مايونيز، نحشي لحمة مفرومة، بطاطس محمرة، رشة من الجبنة الموتزاريلا، وصوص أو مايونيز.

10. ممكن نشوح الكريب ونحمره خفيف للناس اللى تفضل الكريب يكون مقرمش، والجبن اللي جوة كمان تسيح ويبقى ساخن، وألف هنا.

طريقة عمل الكريب الحادق، الكريب أكثر وصفة معجنات يتم طلبها في الصيف، قدمت الشيف نادية السيد مقادير الكريب الحادق بالكوب، وكيفية عمل كريب مالح مثل المطاعم بحشوتين مختلفتين، طريقة عمل الكريب ببيضة واحدة فقط، أتمنى إن الوصفة تعجبكم.

نصائح الشيف نادية السيد لنجاح الكريب

• الطاسة مقاسها 24 او 25 سم، هتحتاج نص كوب من خليط الكريب، علشان يطلع رقيق ومش سميك يفضل ان انتم تحطوا طبقة جوة الطاسة مش كتير، يعني تتفرد جوة الطاسة.
• حشيت فاهيتا وحشيت لحمة مفرومة وبطاطس وكل مرة كنت بزود معهم مزيج الصوصات والجبن.
• بعد ما تخلصوا كمية الكريب كلها برضه بتغطوه، بتسيبوه متغطي لو انتم طبعا عايزين تحافظوا عليه طري، فكده كده هو لازم يفضل متغطي على طول، يعني هو وهو سخن يطلع فوق بعضه كده ويتغطى، وحتى لما يتحشي ويتلف يتغطى برضو.