طريقة عمل الكفتة المشوية نادية السيد

1. في وعاء خشبي، نضع كيلو اللحم المفروم، نعصر البصلتين المبشورين ونحتفظ بالماية ونضيف التفل فقط للحمة.

   

2. نضيف خمس فصوص من الثوم المفروم، كوب من البقدونس، ملعقة كبيرة من الكزبرة، ملعقة متوسطة من الكمون، ملعقة كبيرة من الفلفل الأسود، ملعقة كبيرة من البابريكا، وملعقة صغيرة من الشطة، وملح حسب الرغبة، نصف ملعقة صغيرة من جوزة الطيب أو القرفة.

   

3. نعجن مكونات الكفتة مع بعضها كويس لحد ما العجينة تبدأ تلزق، نغطيها بكيس ونخليها في الثلاجة من مدة نصف ساعة لساعة. 

   

4. نحضر ماء البصل، نضيف لها نصف كوب من الماء، ونبدأ في تشكيل عجينة الكفتة، نشكلها على شكل كرات وبعدين نضغط عليها بصوابعنا عشان تدينا شكل الجريل.

5. نرص الكفتة في صينية، لو الكفتة متماسكة ممكن نشتغل في تسويتها على طول، لو حسينا أنها لسه مش متماسكة ممكن ندخلها الثلاجة كمان نصف ساعة.

   

6. في طاسة تيفال، نضع القليل من الزيت، وندهن بيه الطاسة، وعلى نار متوسطة مش عالية، ومش هادية أوي، نبدأ نشوي الكفتة، وتسوية الكفتة زي ما تحبوا، ممكن تخلوا مستوية للأخر وممكن نص سوا، زي ما تحبوا، المهم تقلبوها لحد ما توصلوا للسوا اللى تحبوه.

   

7. بعدين نخرج الكفتة من الطاسة، ونحط الكمية اللى بعدها لحد ما نخلص تسوية الكفتة كلها.

   

8. في نفس الطاسة، وفي بقايا الزيت، نضع الخضار، ونتركه يستوي على نار هادية لحد ما يدبل وياخد ريحة الكفتة.

9. قدمي الكفتة المشوية مع الرز بالقشطة والخضار المشوي وألف هنا.

   

طريقة عمل كفته الطاسة المشوية للشيف نادية السيد، بمكونات بسيطة وتتبيلة رهيبة للكفتة، هنعمل ألذ كفة مشوية متماسكة وطرية وطعمها يجنن، ألذ أسهل طريقه عمل الكفته بدون فرن بكميه وفيره وسر لونها وتماسكها بقوام المطاعم الممتاز.

تُقدم الكفتة المشوية عادةً كطبق رئيسي ويمكن تقديمها إلى جانب الأرز أو الخبز، يُفضل في بعض الأحيان تقديم الكفته المشوية مع صلصات الطماطم أو الزبادي لإضافة المزيد من النكهة والطراوة.