طريقة عمل الجلاش باللحمة المفرومة نادية السيد

1. لتحضير حشوة الجلاش، في طاسة جرانيت عميقة، نضع ملعقة من الزيت، ونضع اللحمة المفرومة، ونشوح اللحمة لحد ما لونها يتغير، وبعدين نضيف البصلة المفرومة ناعم في الكبة ونقلب.

2. نضيف ملح وفلفل أسود، ملعقة متوسطة من السبع بهارات، ونعصج اللحمة لحد ما تختفي كل السوائل، وبعدين نخرج اللحمة في طبق.

   

3. لعمل خليط الدهن بين طبقات الجلاش، في وعاء الومنيوم نضع أربع ملاعق من الزبدة على أربع ملاعق من السمنة، نسيحهم على النار، ونخليهم على جنب.

   

4. نفتح علبة الجلاش، ونخلي الجلاش متغطى عشان مينشفش، وندهن صينية مستطيلة بالدهان الموجود.

5. نضع أول ورقة جلاش، لو كبيرة هنتنيها وندهنها ونضيف الطبقة التانية، لو الورقة يدوب على قد الصينية، نحط ورقتين جلاش وندهن وبعد الطبقة التانية.

   

6. نعمل أربع طبقات أو خمسة بنفسة الطريقة وأخر طبقة مش هندهنها عشان اللحمة فيها دهن، وبعدين نضيف اللحمة، ونفردها على الصينية كلها، ونلم اللحم بعدين عن الأطراف عشان متتحرقش في الفرن.

   

7. وبعدين نضيف طبقات الجلاش الباقية، زي ما عملنا تحت اللحمة، أخر ورقة جلاش تبقى سليمة وشكلها حلو، وندهنا بالدهان كويس عشان تاخد لون دهبي جميل.

8. نقطع الجلاش بالشكل التقليدي، مربعات، ويكون الفرن سخن على درجة حرارة 220، ندخل صينية الجلاش في نصف الفرن على الشبكة لمدة عشر دقائق.

   

9. لتحضير تشريبة الجلاش، فى وعاء خشبي، نخفق بيضتين صغيرتين بمضرب يدوي جيداً، ونضيف البيض للحليب ونقلبهم مع بعض جيداً.

10. نضيف عليهم نصف ملعقة صغيرة من البيكنج بودر، رشة من الفلفل الأسود، رشة ملح، رشة بهارات، ونقلبهم تاني كويس.

    

11. بعد العشر دقايق تكون الصينية أخدت لون من فوق ، نخرجها ونسقيها بالخليط.

    

12. ندخلها الفرن تاني لحد ما تاخد اللون الذهبي الجميل من فوق ونخرجها.

    

تعرفنا على طريقة عمل الجلاش باللحمة المفرومة للشيف ناديه السيد، أسرار الجلاش المصري باللحمه المفرومه اللي هيطلع مورق والطعم رهيب، نتمنى أن تنال طريقة عمل الجلاش باللحمة إعجابكم، وتسعدنا مشاركة تطبيقاتكم للوصفة معنا من خلال التعليقات.