طريقة عمل الحواوشي نادية السيد
18127
40 دقائق
مقادير الحواوشي
- كيلو لحم مفروم
- ٨٠٠ جرام بصل
- ٥٠٠ جرام فلفل
- ملح
- فلفل اسود
- ٤ ملاعق كبيره بصل بودر
- ٤ ملاعق كبيره ثوم بودر
- ٤ ملاعق كبيره بابريكا
- للعجين
- كيلو دقيق أو ٧ اكواب معياريه
- ملعقتين كبار سكر
- ٤ ملاعق كبيره خميره
- ملعقتين صغيره ملح
- كوبين حليب دافي
- كوبين ماء دافي
- كوب زيت
خطوات عمل الحواوشي
-
لعمل عجينة الحواوشى في وعاء خشبي، نضع كيلو اللحمة المفرومة، واللحم يكون فيه نسبة ٢٥ لـ ٣٠ % دهن، نضيف البصل المفروم ناعم، ونضيف الفلفل الأخضر المفروم ناعم، ملح حسب الرغبة، ثم نضيف توابل الحواوشى (فلفل أسود تقريباً ملعقتين صغيرتين، أربع ملاعق كبيرة من كل من البصل البودر والثوم البودر والبابريكا).
-
نقلب كل المكونات مع بعضها ونعجنها كويس لمدة دقيقتين، وبعدين ننقلها في طبق تاني، ونغطيها وندخلها الثلاجة لحد ما نجهز العجينة.
-
لتحضير العجينة، في وعاء خشبي نضع كيلو من الدقيق، نعمل حفرة في منتصف الدقيق، ونضع فيها ملعقتين كبار من السكر، أربع ملاعق كبيرة من الخميرة، ملعقتين صغيرتين من الملح، ونقلب المكونات الجافة دي مع بعضها.
-
نضيف كوبين حليب دافي، ونقلب تقليبة خفيفة، وبعدين نضيف الماء الدافي بالتدريج ونعجن، لمدة خمس دقايق لحد ما نحصل على عجينة مطاطية.
-
نضيف كوب زيت، ونلم العجينة بالزيت، لحد ما تكون مش بتلزق في الأيد، وبعدين نغطيها بكيس، ونخليها ترتاح لمدة 20 دقيقة تقريباً في مكان دافي لحد ما يتضاعف حجمها.
-
طريقة عمل الحواوشي بالعجينة، نخرج الهوا من العجينة، ونغطيها تاني بالكيس، ونأخد منها وهى متغطية.
-
في طاسة صغيرة مقاس 15 مدهونة بالقليل من الزيت، نضع العجينة في الطاسة ونفردها، نحط فيها كمية لحمة ونقفلها ونبططها، بس نخلى بالنا عشان متفتحش.
-
نرفع الطاسة على نار هادية ونغطيها لمدة 7 دقائق، وبعدين نقلبها على الجانب الأخر وندهنها بشوية زيت، ونتركها 7 دقائق أخرى.
-
لو حابين تسوا الحواوشي في الفرن، نحضر صينية ونفرد فيها ورق زبدة، ونحط أرغفة الحواوشي، وندخلها الفرن على درجة حرارة 220 لحد ما ياخدو لون من تحت ونقلبهم.
-
طريقة عمل الحواوشي بالعيش البلدي، نحضر رغيف العيش البلدي، نضع فيه كمية من اللحمة، ونسويها في الطاسة، أو نغلفه بورق زبدة وندخله الفرن.
تعليق وتقييم (0)